விருந்தோம்பல் - புதுக்குறள்

என் குரு திரு. அஷோக் சுப்ரமணியம் அவர்கள் தினமொரு திருக்குறளுக்கு உரையெழுதியும் அதற்கிணையான புதுக்குறளையும் எழுதி வருகிறார்கள். தமிழிலக்கியங்களின்பால் அவர் கொண்டுள்ள பற்றும் அவரின் வெண்பா எழுதும் திறனும் அவரை அறிந்தோர்க்கு நான் சொல்லித் தெரிய வேண்டியதில்லை. அவரது இன்றைய குறள்:

செல்விருந்து ஓம்பி வருவிருந்து பார்த்திருப்பான்
நல்விருந்து வானத் தவர்க்கு.
(குறள் 86: விருந்தோம்பல் அதிகாரம்)

அந்தக் குறளையும், அவரின் விளக்கத்தையும் படித்தவுடன் அதற்கிணையான ஒரு புதுக்குறள் எழுதத் தோன்றியது. அந்தக் குறள்:

விருந்தோம்பல் பண்பினைப் பேணுவோர் தாமே
விருந்தினராம் வானோர வர்க்கு